O se tama’ita’i fai ata tifaga mai Peretania ua molia ma o loo feta’ua’ina lona taumafai e ave ane faananā i Ausetalia le silia i le 300 kilokalama o le fuālaau faasāina o le ‘aisa ina ua malaga ane mai Aferika i Sisifo.
O Emaa Hussein e 34 tausaga le matua, na tula’i i le faamasinoga i Sini i le aso ananafi i le mae’a ona molia i le matāupu lea ma ua ta’ua foi o le faasalaga aupito mamafa o ia moliaga pe a faamaonia o le soloatoa i le falepuipui.
Feta’ua’ina e manatu leoleo o Hussein ma le isi ulugalii mai Ausetalia i Saute na o latou taumafai e ave ane faananā fuālaau faasāina i totonu o ni taga malala ae sa tuuina i totonu o containers mai Ghana.
Fai mai o le tau o ia fuālaau pe a faatauina i Ausetalia pe ā ma le $296 miliona tālā Ausetalia.
E le’i faatagaina ona tatala i tua lea tama’ita’i ma e toe tula’i i le faamasinoga ia Aokuso.
Puna o Faamatalaga: https://www.bbc.com/news/articles/ckg5nq0172no
