Ua molia nei se tina i le fasioti tagata ma le loto iai, i le faalavelave na maua atu ai lana tama fa tausaga ua uma lona ola i se fale i le Central Coast i Niu Sa Uelese.
Faamanino e ni leoleo sinia i le 9news, na o latou feagai ma le suesuega ma o lea na o latou faailoa ai, o se tasi lea o faalavelave tulaga ese vaaiga na iai i le nofoaga na tupu ai i le Aso Toonai na tea nei.
Fai mai lipoti na alu ane lava le tamaitai 32 tausaga mai Wyong i le ofisa o leoleo i le Aso Toonai ma asia ai loa le unit na tupu ai le faalavelave. Fai mai leoleo e fai si ogaoga o tulaga na vaaia i lea nofoaga ma o loo suesue pe faamaonia ua fai si leva ona maliu le tamaitiiti.
Fai mai o loo ofoina le fesoasoani i leoleo sa agai atu i le faalavelave ona e fai si tulaga ese foi ole vaaiga na o latou vaaia.
Ta’ua e nisi o molimau i le lipoti e na o le tinā ma lana tama e nonofo ai i le unit lea. Fai mai e iloa e leoleo lea tamaitai ma ua molia nei i le fasioti tagata, e le mafai ona taala i tua ina ua maea ona tulai i le faamasinoga ile aso ananafi.
Puna o Faamatalaga: https://www.nine.com.au/australia-news/nsw/woman-arrested-after-child-found-dead-in-central-coast-wyong-home-20260705-p60cni.html
