Ua lipotia mai nei e le NZ Herald le tuuina mai e leoleo Ausetalia o ni moliaga faaopoopo i se alii Niu Sila e 24 tausaga le matua.
O se tasi o alii na taofia ma molia e leoleo i le amataga o lenei tausaga.
Faamauina o loo tuua’ia le talavou i le maua ai o ni ata pu’e e foliga mai o ni ata mata’utia e faailoa ai aga a tagata faatupu faalavelave, a o faatino ai iloiloga i ato ma meatotino i lona toe foi ane ai i le atunuu mai atunuu i fafo.
Faailoa na maua ai ata o osofa’iga faatupu faalavelave, ma ata i le faamatalatalaina o le faiga ma le tuufaatasia o pomu i fale.
E fā moliaga faaopoopo ua molia ai lea alii Niu Sila i totonu o Ausetalia, e aofia ai le umiaina o se ata mata’utia tele, ma lona umia o faamaumauga e iai aafiaga tetele mai luga o le intaneti.
Ua faamanino mai e le Australian Federal Police ua matua’i tele lava le aofa’iga o ata e faailoa ai aga faatupu faalavelave i le taimi nei aemaise lava i tupulaga talavou, ma o loo faasolo pea a latou sa’ili’iliga ma su’esu’ega i ia matāupu.
Puna o Faamatalaga: https://www.nzherald.co.nz/nz/more-charges-laid-against-nz-man-arrested-at-australian-border-with-violent-extremist-material/2ECVAAIOBBEIZINH6HLDFNKMEQ/
