E to’afā tama’ita’i ma alii e to’alua lea ua lipotia na fasiotia i se faalavelave na tula’i mai i le itu i Mātū o Siamani i le aai o Stade e pei ona faamaonia mai e leoleo a le atunuu.
O le faalavelave i se nofoaga mo talavou na tafana ai i latou ua maliliu ma isi o loo manunu’a, fai mai leoleo o i latou uma ua maliliu o tagata faigaluega i le nofoaga lea ma o tagata matutua uma.
O lē o loo tuua’ia i le faalavelave o se alii mai Take e 45 tausaga le matua, fai mai leoleo na soifua ane i Siamani ae o se sitiseni o Take poo Turkey.
O loo faagasolo i le taimi nei le su’esu’ega ae ta’ua e le ‘ausu’esu’e e tau foliga o se matāupu tau lona aiga ua māfua ai lea faalavelave.
Fai mai sa iai lana appointment na faia i lea nofoaga faatasi ma isi tagata faigaluega e māfua i lona afafine e 3 masina.
O loo ta’ua sa iai faatasi lona afafine ma lona tinā e 34 tausaga le matua, i le nofoaga na tupu ai le faalavelave.
O loo faaauau su’esu’ega.
Puna o Faamatalaga: https://edition.cnn.com/2026/06/29/europe/stade-germany-shooting-intl
