Ua tapunia e Leoleo se nofoaga o lo’o masalomia sa gaosia ai le methamphetamine, po’o le “P”, i Riverhead, i matu sisifo o Aukilani.
O le osofa’iga na fa’atino i le vaiaso talu ai ma sa taula’i i se vaega e masalomia e iai sootaga i le Hells Angels Motorcycle Club.
Na maua e leoleo masini ma vaila’au e masani ona fa’aaoga i le gaosiina o pauta faasāina o le methamphetamine.
I lea osofa’iga na māua ai i faamaumauga a le Auaunaga o Leoleo le taofia ai o se ali’i, 55 tausaga le matua ma se tama’ita’i e 30 tausaga, ma o lea na tula’i i luma o le Fa’amasinoga i Waitākere i le Aso Faraile i moliaga o le gaosiina o fualaau fa’asāina.
Faamanino e leoleo, o le a fa’aauau pea a latou galuega e taofi ai i latou o lo’o gaosia ma fa’atauina atu o ia fualaau fa’asāina ua toatele ai tagata ua aafia ai.
Puna o Faamatalaga: https://www.police.govt.nz/news/release/police-operation-shuts-down-methamphetamine-lab?ref=&search=&cmin=&cmax=
