Ua faamaonia mai nei e leoleo e lē o iai i se tulaga e ono lamatia ai le to’atele o tagata, mai se matāupu na tula’i mai i Te Kuiti i le aso ananafi, o le Aso Gafua lea, i le maua ai o se tino maliu i ia faaitu talu ai se faalavelave na tupu e aafia ai le faaaogāina o laaumalosi.
I ripoti mai le NZ Herald, o lea na tali atu sui o le auaunaga s leoleo, o i latou ua faa’au’upegaina ina ua oo atu faamatalaga i se matāupu i Esplanade.
O lea na molimauina ai le tapunia ma puipuia o lea nofoaga mai le uia, mai le va o Ngarongo Street ma Nettie Street a o faasolo ai galuega a leoleo.
Ua faamaonia mai e na o le to’atasi ua maliu, ma ua tuu atu nei lea matāupu e iloilo e pule o maliu, ae ua aveesea uma nei vaega na pupuniina ma taofia ai taavale mai le uia o ia faaitu a o faasolo pea sa’ili’iliga a leoleo i lenei faalavelave.
Puna o Faamatalaga: https://www.rnz.co.nz/news/crime-and-justice/641127/person-found-dead-in-te-kuiti-following-firearms-incident
