Mo le tele o tausaga ua lipotia e le BBC sa una’ia ai e le ta’ita’i o Saina o Xi Jinping kulupu o tagata e pei o Tibetans ma Uyghurs ina ia o latou taliaina se tupu’aga e faavae i le atunuu o Saina ma ia faailoa lo latou faaaloalogia o le Patī Kominisi.
Ua lipotia mai e le CNN i le vaiaso nei o lea finauga ua ta aofa’i i lalo o se tulafono fou ua amata faaoo atu nei i falea’oga, tuaoi ma aiga ma ua tuuina ai le aiā tatau ia Beijing ina ia taula’i taumafaiga i tagata i fafo mai o ona tuaoi, latou te talitonu o loo latou solia ia tulafono.
O le statute poo le tulafono ua faaigoaina Ethnic and Progress Promotion Law na amata faamamalu i le aso 1 o Iulai ma e faasā ai gaioiga e tuuitiitia ai le tutū faatasi poo se gaioiga foi e afua ai se eseesega i kulupu eseese i Saina lea e aofia ai ma le vaega a le Han Chinese e to’atele lava pe silia i le 90 pasene o le faitau aofa’i o tagata Saina o loo aofia ai.
Faailoa e le BBC ua iai faitioga ua alia’e e tusa o le tulafono fou aemaise lava mai kulupu e tula’i mo aiā tatau a tagata.
Na faailoa foi e se sui mai Malo Aufaatasi i lea lava lipoti, o lea tulafono e ono iai ni ona aafiaga ogaoga e lē gata i tulaga tau i le gagana, aganuu aemaise i tulaga faalelotu.
Puna o Faamatalaga: https://edition.cnn.com/2026/07/01/china/china-ethnic-unity-law-intl-hnk
