Ua faamaonia mai e le NZ Rugby Board, o Steve Lancaster lea ua filifilia e avea ma o latou Ofisa Sili.
O ia lea sa tula’i mo le 6 masina talu ai e tauave tiute o le Ofisa Sili ina ua aga’i ese lē sa iai i le tofi, Mark Robinson.
Faailoa e le ta’ita’ifono o le Board, David Kirk e tāua tele lenei tofiga ma sa faaaogā tatau le taimi e faia ai le faai’uga talafeagai mo le tagata e filifilia.
Ua loa foi tausaga o galue Steve i taaloga ma tulaga maualuga foi lana taalo i le lakapi i le kalapu a le Crusaders i le vaitau o le 1997 -2000 i le tulaga o le loka.
Fai mai lē ua filifilia, o se avanoa tāua lenei mo ia ma na te malamalama lelei ai i matāfaioi ma tiute e sau ma lea avanoa tāua.
Puna o Faamatalaga: https://www.rnz.co.nz/news/sport/594523/nz-rugby-confirms-steve-lancaster-as-organisation-s-new-chief-executive
