Ua feagai nei le Ofisa o Leoleo a Niu Sila ma le tele o faafitauli, aemaise o atugaluga mai le mamalu o le atunuu, ae o le fesiligia ai o le tulaga faamaoni ua iai le auaunaga o leoleo ona o ni matāupu eseese ua aafia ai nisi o leoleo faapea ta’ita’i sinia, o ē o loo faauluulu iai lea auaunaga tāua.
Mo le silafia o lea ua faasolo le su’esu’eina o le alii Komesina o Leoleo, Richard Chambers, ina ua faaulu atu ni tagi a o ni tusi faaseā, o tuua’iga o ni tu ma ni aga na ia faatino i ni tama’ita’i.
O loo teena e Chambers ia tuua’iga ma o loo faaauau pea ona galue a o faia su’esu’ega.
Faamanino e lē sa avea ma leoleo sinia, Lance Burdett e tele aafiaga ma matāupu ua feagai ma le auaunaga, ae o le itu lelei e tatau o le tonu ma le sao o faai’uga a sui, o le faia o su’esu’ega i ona lava tagata ina ia mautinoa, e lē o faapito autasi lava lo latou tilotilo i tagata lautele ae o loo faia le galuega i o latou foi sui i ni matāupu faapenei.
Na ia faailoa e tāua tele le manino ma le tali atu ina ia tumau pea le faatuatuaga o tagata lautele.
Faaopoopo foi Lance Burddet, o le faamaoni lava ma le faia ma le tatau o su’esu’ega ma galuega a le auaunaga a leoleo, o vaega tāua nei e faatumauina ai pea le talitonuina e tagata lautele o i latou.
Puna o Faamatalaga: https://www.rnz.co.nz/news/crime-and-justice/651856/new-zealand-police-face-a-crisis-of-confidence
