Ta’ua i lipoti a le BBC i le asō faamatalaga mai le vaega tetee a le Separatist Rebels e faapea na o latou fanaina se pailate Amerika ma maliu ai, susunu lana vaalele i le faaitu o Papua i Indonesia.
O le West Papua National Liberation Army na o latou faamatala le fasiotia o le pailate o Nicholas F Gosselin ina ua ia tulaueleele i le itumalo o Highland Papua.
Fai mai le latou faamatalaga o pailate o loo latou feavea’iina vaegā’au a Indonesia aga’i atu i le faaitu lea ma latou te manatu o le maliu o Gosselin o le a tuuina atu ai se fe’au i tagata.
Ua faamaonia e sui o le malo o Indonesia e moni ua susunuina le vaalele a Gosselin ae lē o manino tonu le mea na tupu ia te ia ma lana pasese e to’afitu.
O loo faatalia se isi lipoti lata mai o lenei matāupu ae lē o le taimi muamua lea ua pu’eina ai e le vaega lea a le Rebels ni pailate e faimalaga atu i lo latou faaitu.
Puna o Faamatalaga: https://www.bbc.com/news/articles/c8j2k137emzo
