Fai mai ua tumutumu atu vaegā’au a Lusia i le aai o Kostyantynivka i le itu i Sasa’e o Ukraine ma o loo taumafai e si’omia lea aai e pei ona lipotia e le BBC.
Ua faailoa e fitafita Ukraine i lea lava lipoti ua faigatā lava ona una’i ese mai fitafita a Lusia ma o i i le aai lea e aga’i atu ai le faitoto’a i le faaitu o Donbas.
Afai ae faia’ina ai fitafita a Ukraine o lona uiga o le a mafai loa ona una’i atu e le fitafita a Lusia ana vaegā’au i nofoaga i le itu i Sasa’e ma i’u ina o latou maua atoa ai loa le faaitu lea o Donbas.
E iai lipoti ua ta’ua ai foi e Lusia ua o latou mauaina isi nuu i le itu i Sisifo o Ukraine.
Fai mai isi pailate o le ami a Ukraine, o latou i le city o loo tau pea faasaga i vaegā’au a Lusia peita’i afai e lē suia a latou metotia e foliga e faaauau pea ona aga’i atu Lusia i ona laueleele, o vaega tonu ia na amata ai lenei taua ua fai si umi.
Puna o Faamatalaga: https://www.bbc.com/news/articles/c9w2g0ewk95o
Comments
Loading comments…