Ua saunoa le ta’ita’i o le NZ First, Winston Peters, e lē faate’ia ia i nisi o lipoti ua agiga ua ta’ua ai sa faasesē e nisi o tagata faigaluega i le Immigration, minisita ma ta’ua ai e Peters ua tatau ona ave i le falepuipui i latou ia.
Faailoa e le Minisita o Femalagaa’iga, Erica Stanford i le RNZ sa faia lava ma le silafia e sui ia o le ofisa le taofia o faamatalaga mai ia te ia ma le faigāmalo talu ai a le Leipa.
Fai mai Peters sa ia fai ia Stanford i se taimi ua tuana’i o le ofisa o femalagaa’iga a Niu Sila o le matāgaluega aupito sili ona leaga lea i le atunuu ma o lea la ua aliali mai e lē faate’ia ai o ia.
Ta’ua e le ta’ita’i o le NZ First o loo iai tagata faigaluega e faatuatuaina ma lelei le faatinoina o galuega, peita’i o isi ua aafia ai le auaunaga.
O le Minisita o Tupe, Nicola Willis na ia saunoa i le Palemene, e tāua le faamautinoa e lē toe tula’i mai ni amioga faapea i le lumana’i.
Puna o Faamatalaga: https://www.rnz.co.nz/news/political/598439/winston-peters-wants-to-see-prison-terms-for-immigration-officials
