O se tasi e tele lona silafia i matāupu tau vaalele mai le Iunivesite o Massey, Dr Louis Wu ua ia ta’ua i se faatalanoaga ma le leitio faavaomalo a Niu Sila o vaalele laiti a atumotu o le Pasefika e tatau ona faafaigofie ona faia iai ni fesuia’iga i lona faaaogāina.
O loo ta’ua i le lipoti o le vaiaso talu ai na faia ai ni faamatalaga a le Palemia o le Atu Solomona ma le Minisita o Tupe e faapea ua tele le faalagolago o le Solomon Airlines i le faatupega mai le malo.
Ta’ua e le Palemia, Matthew Wale i lana saunoaga ua lē o toe natia le faafitauli a le kamupani vaalele ae ua silafia lava e le lautele i le tele o faafitauli e pei o le lē lava o vaalele mo faigāmalaga i totonu lava o le atunuu, taugatā o pasese aemaise isi auaunaga e lē o lelei faatino.
Ua ta’ua i le lipoti se tali mai le Ofisa Sili o le kamupani vaalele, Matthew Finlay ua ia talia lelei ai faitioga e faatatau i le kamupani vaalele, ma o loo fuafua i nai vaiaso o i luma o le a faataatia ane ai se isi faafanua o taumafaiga ua fuafua iai mo le toe faaleleia o le auaunaga i le atunuu.
Puna o Faamatalaga: https://www.rnz.co.nz/news/pacific/650078/solomon-airlines-struggles-highlight-regional-challenges-aviation-expert-warns
