E to’atasi se tagata ua maliu i se faalavelave tau taavale na tula’i mai i le itu e lata ane i Kai Iwi, i Mātū i Sisifo o Whanganui.
Faamauina i ripoti mai le NZ Herald, na ta’ua ai le logoina atu o le vaega o Faalavelave Tutupu Faafuase’i mo se fesoasoani i le auala o le State Highway 3 poo le lata i le itula e 2 i le vaveao analeila.
Ta’ua e le auaunaga a leoleo, na tupu le faalavelave i se nofoaga e lata ane i nuu i tua (rural community); e lua ni taavale na aafia, ma e to’atasi na ma’umau ai le soifua.
O se tasi o tagata na aafia i le faalavelave, na avatu i le falema’i i Whanganui mo togafitiga, ma e lē o iai i se tulaga tigaiga.
Na fesoasoani atu sui o le tineimū e taumafai e aveese mai se tagata na mau i totonu o le taavale na aafia.
Ta’ua le tapunia pea o le State Highway 3 i le va o Kai Iwi Valley Road ma Watt Livingstone Road ae ua faamauina le iai o ituala e uia e tagata a o tapunia pea ia itu.
Ua amata faasolo nei su’esu’ega a leoleo i lenei matāupu.
Puna o Faamatalaga: https://www.nzherald.co.nz/nz/state-highway-3-closed-near-kai-iwi-north-of-whanganui-due-to-serious-crash/HTSE3FLULNGM7EYVCCFVVJ44L4/
