Ua lipotia mai e le CNN le tumutumu o tagata ua auai i polokalame o toe sauniga o le Taitai sa iai o Iran, Ayatollah Ali Khamenei ae ua ta’ua ai foi e isi tagata Iran latou te le o faanoanoa ona o le maliu o Ayatollah.
Ua fuafua o a taeao le solo tele ae e le’i vaaia lava faalauaitele lona atalii o Mojtaba. O loo eseese finagalo faaalia o tagata Iran i ia fuafuaga ma ua faailoa e isi i le CNN e lagona le faaosofia o le ita pe a tomanatu i le mafuaaga ua maliu ai lo latou taitai.
I le Strait of Hormuz ua lipotia o loo sologa lelei feoaiga i lea ogasami ao tālia ai le talanoaina o lea mataupu i le fonotaga a le NATO i le vaiaso nei.
Fai mai o loo fuafua le Palemia o Isaraelu, Benjamin Netanyahu e feiloai ma Trump i Uosigitone poo le vaiaso fou.
O le lua aso o lumanai e faagasolo ai polokalame o le maliu o Khamenei, lea fai mai e ave ane lona tino maliu i aai paia o Najaf ma Karbala mo sauniga faapitoa e faia ai.
Puna o Faamatalaga: https://edition.cnn.com/2026/07/05/world/live-news/iran-khamenei-funeral-war-trump
