I Lusia fai mai ua iloga ai aafiaga o osofa’iga a Ukraine i nofoaga o malosi’aga e lē gata i Moscow ae o le Black Sea foi.
Ua vaaia queue poo laina uumi i pamu penisini ma ua vaovaogatā faitioga a nisi ona o le faiga ua iai i isi nofoaga ua ave ai le faamuamua i taavale a le militeli e faaaogā ai penisini a o le’i faataga ane mo tagata lautele.
I se faatalanoaga foi a Putin sa faia ua ia saunoa ai ua malamalama tagata uma i faafitauli ua iai nei mo le ‘aufaitaavale ma pisinisi.
Na ia ta’ua foi faafitauli o loo feagai ma le itu tau faato’aga i le atunuu ma o se tasi foi lea aafiaga o le utiuti o le suāuu ma le penisini.
Fai mai le BBC e lē masani ona talanoa faapea Putin ma ua i’u lava ina ia ta’utino ai i aafiaga o osofa’iga a Ukraine ia Lusia.
Puna o Faamatalaga: https://www.bbc.com/news/articles/clyw31zvpgmo
