O loo talosagaina e leoleo le fesoasoani a le mamalu o le atunuu i le tau sa’ilia ai o ni alii se to’atolu.
Faamauina i ripoti a le 1News, o nei alii o loo sa’ilia o loo iai ni tusi saisai poo warrant of arrest mo i latou nei.
E leai ni sootaga o ia alii faapea foi a latou matāupu.
O le alii e 19 tausaga le matua e igoa ia Kaisa Griffin o loo sa’ilia i totonu o Aukilani nei, o loo tuua’ia i lona solia o aiaiga sa tatala ai o ia i tua.
I le Bay of Plenty, o loo sa’ilia ai le alii e suafa ia Damon Joel Best.
Ae i le Hawke’s Bay, o loo tau sa’ilia ai le alii e 41 tausaga le matua, o Anthony Ngapera, o loo faamauina ai le tele o tusi saisai o loo i lona igoa.
Faamanino e le auaunaga a leoleo le mata’utia tele o ia taulelea ma ua fautuaina malosi tagata lautele ia aua ne’i faalatalata iai i nei alii ae ia vave vili atu le ofisa o leoleo, pe afai ua o latou mautinoa itu o loo iai nei taulelea.
Puna o Faamatalaga: https://www.1news.co.nz/2026/07/01/police-separately-seeking-three-dangerous-men-across-north-island/
