Ua faamauina le malosi o le vevela i Initia i le taimi nei ma ua matua’i afaina ai meatotō aemaise i faato’aga.
O le vaaitau a Initia na o latou faailoa i se lipoti a le BBC e itiiti lava se tulaga o timuga o le a iai i le atunuu mo le masina lenei o Iulai.
O faamaumauga a le Malo ua iloa ai ua mae’a totōina laau o le tau vevela ma ua iloa foi le faaitiitia o le alaisa o loo sau mai totonu o le atunuu.
O le to’atele o le ‘aufaifaato’aga e faamoemoe tele i timuga mo a latou faato’aga ma afai ae faaitiitia timuga o le a tele se aafiaga e lē gata i le eleele ae faapea foi i oloa e auina atu i fafo e pei o le alaisa.
O le faamatalaga mai tagata faifaato’aga a Initia e lē o nofoa’i i le taimi nei ae ua amata tapena ina ne’i iai nisi aafiaga ogaoga ona o uiga o le tau.
Puna o Faamatalaga: https://www.bbc.com/news/articles/c5yzk5rqyr4o
