O lo’o fa’aauau pea ona aafia nisi o vaega o le South Island, i timuga mamafa ma lologa, ma ua molimauina ai le agai ese o tagata mai o latou fale, ma le tapunia o nisi o auala tetele.
I ripoti mai le leitio faavaomalo o Niu Sila, i tulaga o lipoti o le tau o loo faamauina ai le aafia o faaitu e aofia ai Oamaru, Dunedin, Marlborough, Canterbury, ma Tasman, lea o lo’o faatumauina ai pea fautuaga ma lapata’iga o timuga mamafa i le lanu moli.
Ua fa’ailoa e le au va’ai tau e ono maua e Marlborough ma North Canterbury le oo atu i le 250 milimita o timuga mai le po o le Aso Gafua se’ia oo i le Aso Lua, ma e ono vaai ai le maualuga o lea numera i itu o Kaikoura.
O lo’o valo’ia fo’i matagi malolosi e oo atu i le 130 kilomita i le itula i le West Coast, ma le kiona e oo atu i le 400 mita le mamafa e pa’u i nisi o nofoaga.
Ua tapunia nisi o auala tetele e aofia ai vaega o le State Highway 1 ma le State Highway 83 ona o lologa ma le kiona.
Faamatala e nisi o tagata i Oamaru, o se lologa i lo latou iloa le ogaoga ma mata’utia tele ua latou molimauina ma va’aia i le tele o tausaga.
Ua fautuaina tagata lautele ina ia ‘alo ese mai le soona feoa’i ma ma mata’itu pea fautuaga ma lapata’iga a o faamatalaga e tuuina atu e sui o le vaega o le Vaaitau.
Puna o Faamatalaga: https://www.rnz.co.nz/news/emergencies_local/677302/weather-live-floods-evacuations-highways-closed-as-deluge-hits-otago-towns
