Ua lipotia mai e le 9news le taofia ma molia ai o se alii na faia se faamata’u o se pomu i luga o se faigamalaga mai Sini i Meleisia. Ta’ua o lea alii mai Montenegro e 44 tausaga le matua ma na tulai i le faamasinoga i le asō i moliaga o tau faamata’u i le vaega o sekulati a le malae vaalele.
Fai mai lipoti sa fesiligia e le aufaigaluega i luga ole vaalele i se malaga a le Turkish Airline mai Sini agai i Kuala Lumpur, fesiligia faatatau i se mea faigaluega sa ia uuina ao sauni le vaa e agai ese ma Sini.
O i na na ia fai ai i le tagata faigaluega o loo ia te ia se pomu. Toe faafoi ai ele pailate le vaalele ma aveesea mai ai loa lea pasese.
Na ia toe fai i leoleo mulimuliane o le aitema sa ia uuina o se fagamaa ole telefoni.
Pue e leoleo lea alii ma aveese mai male vaalele ma ua molia i le taufaamatau i sekulati. O lea moliaga e ono faasalaina ai le tagata i le $10,500 e totogi pe a faamaonia moliaga.
Toe faamanatu e leoleo ole faia o faamatau sesē e uiga i se pomu poo mea faapāpā o se mataupu ogaoga e le tatau ona fia malie ai seisi.
Puna o Faamatalaga: https://people.com/passenger-arrested-after-allegedly-making-bomb-threat-on-plane-just-before-takeoff-12004685
