Ua faatulaga e le faamasinoga maualuga le aso 20 o le masina nei o Iulai e aumai ai sana faaiuga i se faasalaga o le taule’ale’a o Willow Faisauvale o Faleatiu 22 tausaga le matua, ina ua faamaonia e se laulau o faatonu na iloiloina molimau a leoleo, le moliaga o le ave faamalosi o se teineititi 17 tausaga le matua, ma le moliaga o le faiaiga fai faamalosi.
Sa tetee lē ua molia i moliaga ae o le aso Faraile ua mavae ina ua mae’a iloiloga a le laulau o faatonu na faamaonia ai ia moliaga.
I faamaumauga a leoleo o loo ta’ua ai o Oketopa o le tausaga e 2024 a o agai le teineitiiti e faatau i le faleoloa na alu atu ai le taavale a lē ua molia ma piki ona sa manao e faasino atu se nofoaga sa ia fia maua, peitai o le mafuaaga lea o le faasalalau e leoleo o le ata o le teineitiiti i se sāiliga na talosagaina ai le atunuu ona sa fia maua e le aiga o le teineitiiti se fesoasoani.
