Ua faatumauina pea e le Faamasinoga o Apili le faai’uga a le Faamasinoga Maualuga na ulua’i tuuina mai ina ia faalēaogāina le nofoa o le Afioga Toelupe Poumulinuku Onesemo i le avea ai o se sui Faipule o le Palemene mo Falealili No. 1, ma ua faai’u ai ma lea matāupu ua leva ona faatalitalia sona faai’uga.
O le taeao nei lea na tuuina mai ai lea faai’uga a le faamasinoga, ma o lona uiga o lea ua faamuta ai loa isi vaega uma o le talosaga apili na faia ma ua faamautinoa ai, ua lē o toe avea nei Toelupe ma sui filifilia o le itumalo faapalota o Falealili 1.
O le a toe maua atu se isi au’ili’iliga o lea faai’uga pe a faamatauu mai i tua le faai’uga atoa o lenei matāupu.
