Ua amata tuli le faasalaga e valu tausaga i le falepuipui o le alii Saina faipisinisi o Tao Liu, 46 tausaga le matua, ina ua faamaonia lona moliaga o le taumafai e faaoo le maliu i se alii leoleo o le malo. Sa molia foi i moliaga o lona umia o se laau malosi e solitulafono, ma le faapaina o le a’uupega o le laaau malosi.
O Ianuari o le tausaga na tea nei i Siusega na tulai mai ai le solitulafono ina ua tali atu leoleo i le valaau mo se fesoasoani ina ua taofia faamalosi i totonu o se potu o le faleoloa sa ia faagaioia o se pisinisi a lē ua nofosala, se tamaitai sa avea ma ona toalua e mafua i se feseeseaiga.
O lona faapāiana o le laau malosi na faamanu’alia ai se alii leoleo sa aofia i le vasega o malu o le malo na agai i le nofoaga na tulai mai le vevesi ina ua manaomia le latou galuega masani pe a tutupu ni gaioiga solitulafono.
E lau le faasalaga o lea alii Saina faipisinisi i le aso Faraile ua mavae o loo nofo taofia ile vaaiga a leoleo talu mai Ianuari o le tausaga na tea nei na molia ai ma taofia mo suesuega a leoleo.
