O loo faalauiloa i le asō e leoleo le ata o se alii o loo latou manana’o e fia talanoa atu iai a o faagasolo a latou su’esu’ega i nisi o faaoogalima na lipotia mai i vaega eseese o le aai o Kalaiesetete.
O nei faalavelave i faaoogalima na tula’i mai i vaipanoa i Wigram ma Hagley Park i ni masina ua tuana’i.
O le tausaga talu ai, 2025 i le masina o Oketopa ma Novema na lipotia mai ai le ulua’i faaoogalima, ae o le masina o Me i le tausaga lava lenei, le isi faalavelave pito lata mai na lipotia ane i leoleo.
E talitonu leoleo o lea tagata ua faasalalau i luga lona ata, atonu o le a fesoasoani ane i nisi fesili o loo fia maua iai ni tali e tusa o nei faaoogalima na tutupu.
O loo tatalo mai ai foi leoleo i soo se tasi o silafia ni faamatalaga i lenei matāupu ina ia faafesoota’i atu latou le numera 105, i le reference number 260526/3183.
Puna o Faamatalaga: https://www.newstalkzb.co.nz/news/national/police-release-images-of-man-in-hunt-for-key-witness-after-multiple-city-assaults/
