E toalua tagata ua tafana e fitafita Isaraelu i le itu i saute o Lepanona pei ona ta’ua e le Matagaluega o le Soifua Mālōlōina a lea atunuu.
Ua lipotia e ofisa faasalalau mai totonu o Lepanona o alii e toalua ua fasiotia ao tutu lalata i se bulldozer sa taumafai e tatala le auala i le taulaga o Nabatieh al Fawqa. Ua faailoa le lē fiafia o le Hezbolah i lea faalavelave ma o latou ta’ua ai ua oia aiaiga o le taofia o fetauiga e pei ona iai nei.
O le faamatalaga mai le militeli a Isaraelu e faapea e toafa le au faatupu faalavelave a le Hezbollah na tietie ane i le bulldozer lea ma se uilaafi ma sa tulai mai ai tulaga faapopoleina i le saogalemu o tagata aemaise ua uia nofoaga o loo vaaia e Isaraelu.
O le Aso Faraile talu ai na malilie ai Amerika, Isaraelu ma le Hezbollah e taofia fetauiga ona o le popolega ina nei afaina ai le maliega sa sainia e toafia ai le taua i le va o Amerika, Iran ma Isaraelu.
Puna o Faamatalaga: https://www.bbc.com/news/articles/c36ykpw0yego
