Ua mautū lava le faai’uga a le Faamasinoga Maualuga a Amerika o pepe na fananau i Amerika e iai a latou aiā tatau i le faavae e avea ai ma sitiseni ma ua teena ai ma le finau a Trump e faamuta le faiga faavae lea ua 150 tausaga o iai.
I tala a le BBC ua ta’ua ai o le faai’uga na faailoa ane e le Faamasino Sili, John Roberts ma ua faailoa ai o tamaiti na fananau i Amerika i mātua o loo nofo faasolitulafono pe o loo iai foi lē tumau i le atunuu, e mafai ona ta’ua o sitiseni i lalo o le 14th amendment.
O Trump sa taumafai e faaitiitia le aiā tatau a tamaiti ia e ala i se poloa’iga ma ia finau ai o tamaiti e lē o iai ni pepa e faamauina ai ma isi sa asia le atunuu mo se taimi lē tumau, e lē tatau ona agavaa i lalo o le faiga faavae lea, e mafai ai ona sitiseni e fua i le mea na fanau ai.
O lea faai’uga o se tala lē lelei mo le Peresetene ae o loo talia lelei e kulupu o loo finau mo aiā tatau a tagata.
Puna o Faamatalaga: https://www.bbc.com/news/articles/cgmepnx1wzzo
