Ua toe manumalo nei le Black Ferns, le ‘au ta’ito’afitu a tama’ita’i a le atunuu i le Ipu i le vae i Hong Kong i le taamilosaga ta’ito’afitu, ina ua malolo ai le ‘au malosi a Ausetalia.
Na malolo Ausetalia i ‘ai e 14 i le 19 a le Black Ferns ma o le lona fā ai lea o taimi o manumalo Niu Sila i le itupa o tama’ita’i i Hong Kong.
I tala o lea su’ega siamupini e 3 sikoa a Niu Sila, e pei ona maua mai e le tama’ita’i o Mahina Paul, Jorja Miller ma Kelsey Teneti.
O le tama’ita’i taalo o le taaloga na maua e Risi Pouri-Lane.
Ae mo alii na malolo le All Blacks i le su’egā avanoa i le su’egā siamupini poo le finals.
Na malolo le ‘au a alii ia Spain, e 28 i le 32 ‘ai.
Faamauina o le isi taaloga o le taamilosaga o le a faia i Spain i le faai’uga o le masina o Me.
Puna o Faamatalaga: https://www.rnz.co.nz/news/sport/592811/black-ferns-sevens-defend-hong-kong-title-with-19-14-win-over-australia
