Ua tau lau o le faamoemoe o le faiaoga ma le pulega o le aulakapi taitoafitu a le Manu Samoa i le faamautu ai o lona avanoa e tausinio ai i taaloga a le Olimipeka o le a faia i Farani i le tausaga fou 2024.
O le mae’a ai o le taamilosaga lakapi taitoafitu a atunuu o le Oceania sa faia i Ballymore i Brisbane i Ausetalia i le faaiuga o lena vaiaso ua alu atu, na manumalo ai le aulakapi fitu a le atunuu i le taaloga mulimuli ma Papua Niu Kini lea e 24 ‘ai na latou maua ae e lei tau ‘ai Papua Niu Kini.
Na sao le Manu Samoa 7 i le sueina o le final ma le ‘au a Niu Sila, ae na faia’ina ai ia Niu Sila i ‘ai e 24 Niu Sila i le 19 a le Manu Samoa, ae o le mea manino, o lea ua sao le Manu Samoa i le Olimipeka.
O atunuu ua faamautu le tausinio o a latou aulakapi taitoafitu i le Olimipeka o Falani, Niu Sila, Fiti, Argentina, Ausetalia, Uruguay, Aialani, Amerika, Kenya ma Samoa.
