Ole Amepasa fou o Amerika i Niu Sila, o Jared Novelly, ua taunuu ane nei i Ueligitone ma ua fuafua o le a muai faimalaga i Niue, le Atu Kuki ma Samoa e tauaao ai ona tusi tofiga (credentials).
Lipotia e le RNZ o Novelly o se alii faipisinisi ma o se pule foi o se au taalo ma na ia ta’ua i tusitala i le Aso Faraile talu ai o le Atu Kuki o loo faamuamua i lana lisi ma o le a tele sona taimi o le a faaalu ai ona o le Atu Kuki se tasi o motu e oa tele ma tele ona punaoa i ona ogasami faasaoina.
Faamanino e Novelly i le lipoti lea e ao ona silafia e tagata o le a vaavaai i mea mai se isi foi auala e faia ai ma e fia vaavaai foi ma taumafai e fesoasoani i manaoga o tagata Pasefika.
Fai mai a ia e iai le auala o le aoao o le tagata e fagota ma le auala foi o le ave sao iai ole i’a.
Puna o Faamatalaga: https://www.rnz.co.nz/news/pacific/677613/new-us-ambassador-to-new-zealand-says-cook-islands-is-a-top-priority
