Ua Faalogoina le ūū tetele o matagi malolosi o le afa o Bavi poo le super typhoon e pei ona faaigoaina ai. Ua lipotia e le BBC o matagi e oo le malolosi i le 290km le saosaoa i le itula ma tofaatautau e oo atu i le 350km i le itula o loo aafia ai Guam ma Northern Marianas.
Faamanino e le Vaega a le Vaaitau, e matautia lea afa malosi ma ua maitauina foi ona aafiaga i le sami ua lata i le 11 mita le maualuluga o galu.
O le toatele o tagata e masani ona aumau i nofoaga tu matafaga ua agai uma i nofoaga mo faalavelave faafuasei e faamautu iai . I le Northern Marianas ua lipotia e tele mea ua faaleagaina aemaise e foliga o loo agai sao lava i iai le afa malosi.O motu o Saipan ma Rota ua faamauina le malolosi ai o matagi aemaise i le vaega e iai le malae vaalele.
Toatele ua motusia mai le eletise i o latou maota. O le afa malosi lea o Bavi ua faaigoaina o le Super Typhoon e le ofisa mo lapataiga i tulaga faapea o se vaega o le auaunaga a le militeli a le Malo tele o Amerika mo ona teritori i le Pasefika.
Puna o Faamatalaga: https://www.bbc.com/news/articles/cr7xpgx50jxo
