E ono oo atu I le 20 afe vaegatupe e ofoina atu I tagata ia auai ai pe avea ma sui o ni kegi e pei ona taua I se lipoti a le ZB. O loo taua ai o kegi I aso nei ua faia faapitoa starter packs e faaosofia ai le fia auai o tagata I kegi.
O Wi Turei Waikari sa avea ma sui o le Mongrel Mob I tausaga ua tea na ia taua I lea faatalanoaga I o latou aso ua tuanai, e lava lava le leather jacket ma se pea seevae gumboots e malie ai le tagata e auai I se kegi peitai o aso nei o starter packs e pei ona faailoa ua aofia ai le ofoina o le 10 afe poo le 20 afe foi faatasi ai ma se pasika fou e faasufi ai tagata ia avea ma sui o kegi ma o le faaosoosoga tele lea mo talavou.
O le tele o faalavelave tutupu mai ma le tele o le tupe e maua mai le faatauina o fualaau faasaina e pei o le aisa, ua atili aafia ai nei suiga.
O faiga foi nei e pei ona faailoa e Prof Tracy McIntosh o le Komiti Iloilo mo mataupu faasolitulafono, e aofia ai ma le ituaiga taitaiga ua faia I totonu o kegi ua matua faigata ai ona taofiofia.
O leisi itu ua matauina o le le toe umi na tumau o le lagolago pea poo le loyalty o sui o kegi aua ua fai ma tilotilo i mea o loo ofoina mai e leisi kegi ona fai lea o le faaiuga e agai i leisi kegi ae faatuatuanai leisi.
