Ua masii mai i Samoa sui o le Faalapotopotoga mo le Aoaoina o le Gagana Samoa i Aotearoa lea e silafia i le igoa o le F.A.G.A.S.A, e tauaofia ai lana fonotaga lona 34 talu ona faavaeina.
O loo talimalo ai le Komisi o le Gagana Samoa ma le Matagaluega o A’oga ma Aganuu i lea faatasiga tele. O le Aso Lua o lenei vaiaso e amata ai le fono i le ‘ava o le feiloaiga, ona faagasolo ai lea o lana polokalame, e pei ona filifilia ai nisi o tamālii iloga i Samoa i le faiva o le faiaoga o le gagana o tū ma aganuu a Samoa, latou te faia ni folasaga, a o faagasolo lea fonotaga mo le tolu aso.
O loo malaga mai foi le Konesula o Samoa i Aukilani mo lea faatasiga aemaise o loo auai sui o le malo o Samoa ile tatalaina o le fono.
