Ua amata i le vaiaso nei le Koneferenisi a Faletua o Faifeau ma tinā o le Ekalesia Metotisi le Auuso Fealofani, a o lumanai ai le Koneferenisi tele o lenei tausaga e amata faagasolo i le vaiaso o lumanai nei.
O le Aso Sa na tea nei i le sauniga lotu i le malumalu o le laumua o le Ekalesia i Fogaa na ta’ita’i e le Peresitene Aoao o le Ekalesia ma o se sauniga sa manatua ai tinā e aofia ai faletua o le Mafutaga a le Auuso Fealofani ua fai i lagi le folauga talu mai le Koneferenisi o le tausaga ua mavae.
Ua tumutumu ai le laumua o le Ekalesia i Fogaa i Faleula i usugafono mai Sinoti i Amerika, o Hawaii, Amerika Samoa, Niu Sila, Ausetalia faapea ma Samoa.
