O loo i le maota gasegase i Motootua ni tino maliliu o ni alii se toalua mo su’esu’ega a foma’i, a o faagasolo su’esu’ega a leoleo i ni gaioiga solitulafono se lua na tutupu in le faaiuga o le vaiaso ua mavae.
O le tasi o ia gaioiga ua molia ai nisi sa tulai mai i le nofoaga o le Taumeasina Hideaway i le po o le Aso Toonai na te’a nei a malama le Aso Sa, a o le isi gaioiga solitulafono na tupu i se nofoaga e iai se pisinisi i Togafu’afu’a i le po o le Aso Faraile ua mavae.
O loo masalomia e leoleo sa faaoolima nisi i le taule’ale’a 22 tausaga le matua ua maliu mai Togafu’afu’a faapea se tamā ua 53 tausaga na maliu mai le nofoaga o le Taumeasina Hideaway i Moata’a.
