.
Ua taualuga le faamoemoe o le au taufetuli mai le kalapu o le A1 Training Club mai Sini Ausetalia sa soo uma ai le motu o Upolu, ma mafai ona maua ai le 50 afe tala o se seleni e fesoasoani ai, i le vaaia ma le tausia o fanau sauāina o loo i le nofoaga o le Campus of Hope, o loo faafoe e le Faalapotopotoga o le Toomaga mo e Puapuagatia.
Faaalia e le Toomaga o se taufetuliga sa alofagia e ala i le aao mafola o le atunuu faapea pisinisi eseese. O se faamoemoe foi e ui sa feagai ma luitau ae na taualuga i le Aso Toonai na tea nei i le manuia.
Sa faatino se faaafe o se taumafataga na auai uma sui o le kalapu taufetuli mai Ausetalia faapea sui o le Matagaluega o Leoleo, aemaise o le Pulega o le Tineimu ma galuega laveai i taimi o faalavelave faafuasei sa lagolago atu i le faatinoga o le faamoemoe.
