Brian Tamaki
Brian Tamaki
Photo: 1news.co.nz

Talia le apili a Brian Tamaki ma ua tatala ai i tua

Ua talia le apili a Brian Tamaki ma o lea ua tatala I tua

O le alii faifeau ia Tamaki o lea sa loka I le toese I Mt Eden I Aukilani I tuuaiga o le soli o tuutuuga sa tatala ai I tua e ala I le lauga I le solo tetee sa faia I Kalaiesetete I le aso valu o le masina nei

O le aso foi lea na tuu e toe tulai ai Tamaki I luma o le faamasinoga, peitai o le aoauli ananafi na toe liuliu ai le faaiuga a le faamasinoga ma o lea ua tatala ai I tua I lalo o vavao 24 itula, 7 aso o le vaiaso

O tuutuuga o lea vavao ua iai tuaoi e tatau ona ia usitaia mai lona fale, faasa ona faia nisi faatasiga I lona fale ma le faamoemoe e tapena, tuufaatasia ma unaia ai le le usitaia o tulafono mo puipuiga o le Koviti

Ripoti a le 1News o loo taua ai le tusi a le alii faifeau na tuuina atu I le faamasinoga na te talia ai le toe loka o ia pe a toe auai I nisi solo tetee

Na vaaia le lolofi atu o I latou o loo lagolagoina le alii faifeau I fafo ane o le toese I Mt Eden ananafi ao ia tuua ai le toese

Scroll to Top

Keep uptodate with Radio Samoa activity & promotion

* indicates required