Ua maua i Niu Sila le strain o le faama’i manu le Bird flu H5N1 lea e mātele ina aafia ai atunuu tetele o le lalolagi.
Lipotia i le leitio faavaomalo a Niu Sila se saunoaga a le Minisita o le Biosecurity a Niu Sila, Andrew Hoggard e faapea ua faamaonia le iai o le siama lea i Niu Sila mai se manu na maua i Petone Beach i le aoauli ananafi i Ueligitone.
O le Bird flu e faaigoa foi o le avian influenza ma ua leva foi ona aafia ai manu i isi vaega o le lalolagi ma sa mua’i aafia ai le Northern Hemisphere i le 2020.
E lē o se faama’i e aafia ai tagata ae iai lipoti sa aafia ai nisi tagata ona o fesoota’iga ma meaola sa aafia.
Fai mai le Health NZ e le’i iai lava se tasi ua aafia i le Bird flu i Aotearoa.
Puna o Faamatalaga: https://www.rnz.co.nz/news/environment/723766/newly-arrived-h5n1-bird-flu-likely-to-take-hold-in-new-zealand-mpi-says
