O tupulaga talavou o le lumana’i o Samoa mo a taeao auā o ta’ita’i ia o le malo i le lumana’i, o i latou foi o le a faaauauina le galuega o le atina’e ma tapu’e le lotoifale o aiga, o nuu, o malo ma le atunuu.
O le vaaiga taula’i lea o le faiga faavae fou mo tupulaga talavou o Samoa ua faalauiloa i lenei vaiaso ua lima ta’ita’iina i le autū, o le toe timata le upega.
Ua faailoa e le Matāgaluega o Aiga ma Aga Fesoota’i le faalauiloaina o lea faiga faavae ua ogatotonugalemu lona tapenaina i le una’ia o le lumana’i manuia o tupulaga talavou o le atunuu.
Le afioga i le Sui Palemia, afioga Mulipola Anarosa Ale Molioo i le faalauiloaina o le ta’iala mo tupulaga talavou o Samoa.
E 30 polokalame o le a faatino e le Matāgaluega o Aiga ma Aga Fesoota’i i le ono masina o lumana’i e amata ai le faiga faavae fou ua faalauiloa.
