O le Aso Sa o muamua o le a fetaui ai Joseph Parker ma le alii o Deontay Wilder sa siamupini i le lalolagi i le fusuaga.
O le Day of Reckoning ua faaulutala ai lea faamoemoe ma o le a fetaui ai foi ma le siamupini o le IBO Anthony Joshua ma Otto Wallin.
Faamatala e Parker i le Newshub sa ia fesili ia Tyson Fury mo sana fautuaga mo ia ma ia tali ane aua ne’i ona lavea i le lima taumatau o Wilder, ma aua ne’i knockout ona malo lea i le la fusuaga.
Ta’ua e Parker na ia faafetaia le fautuaga ma o le a tuu iai lona mafai e gata ai ia aua ne’i lavea i le tu’i a lana paga.
Ua 31 tausaga o Parker ma fai mai a ia pau le vaega o taulai iai tapenaga o le maua o le malo.
E fusu ai foi ma le alii fusu o Junior Fa i le faamoemoe lea ma o loo lipotia o loo fesoasoani i Wilder i tapenaga o lea fusuaga.
