Ua lipotia e le RNZ le lapataia e Saina o Ausetalia ina ua faia se maliega tau militeli a Ausetalia ma Fiti. O se maliega fai mai lipoti e ono toe faatulaga ai le saogalemu o le itulagi ma ono toso ane ai ma isi atumotu o le Pasefika.
Fai mai o le Palemia o Ausetalia ma le Palemia o Fiti Sitiveni Rabuka na o la faailoa le Ocean of Peace Alliance i le vaiaso nei faatasi ai ma le Vuvale Treaty i le mae’a o masina o feutanaiga na faia. O le a avea ai Fiti ma ally poo se paaga lona fa a Ausetalia i lalo o lea maliega ma ua tau fai malilie e gaioi e tali atu i ni tulaga lamatia pe afai e tulai mai se osofaiga tau militeli.
Ua fa’ailoa foi e Rabuka e fiafia pe afai e auai atu ai foi ma isi atumotu i lenei maliega. E lē o fiafia iai Saina i lea fetuunaiga. Ua faailoa e le leitio faavaomalo a Niu Sila e ono faatalanoa e Ausetalia le maliega lava lenei ma le atu Solomona ma o loo mataitu pea e le toatele lenei gaioiga poo fea ole a fai iai.
Puna o Faamatalaga: https://www.rnz.co.nz/news/pacific/683646/china-warns-australia-over-military-alliance-with-fiji-that-promises-to-act-to-meet-the-common-danger
