O le Aso Lulu le ogatotonu o lenei vaiaso i lo tatou atunuu ua faagasolo ai le palota muamua mo le faiga filifiliga e toe saili ai se sui usufono i le Palemene o le itumalo o Safata 2 a o lumanai le aso Faraile nei e faia ai lana palota laititi.
E toatolu sui faatutu o loo faia iai le faiga filifiliga e aofia ai le sui tauva tamaitai e toatasi.
O ia sui faatutu e aofia ai le sa seei i le nofoa le afioga Tuia Pu’a Fuatogi Letoa, o Leleua Fuataga Aso ma Toleafoa Losalia Sagalala Niumata.
