Ua faailoa mai sa faia faataitaiga o auupega fana mamao mai vaamaulu a Saina i le vasa pasefika ma ua aliae ai ma faitioga mai ia Niu Sila ma Ausetalia ona o ni gaioiga ua o latou ta’ua ua faamata’u ai i le filemu ma le maopoopo o lea itulagi.
O le vaamaulu a le Peoples Liberation Army na faatino ane ai ia faataitaiga ma ua faailoa i lipoti a le CNN o se vaega o toleniga faaletausaga a Saina i le vaega o le militeli ma o loo ta’ua foi ua mae’a ona faailoa i atunuu e ono aafia ai e faatatau i ia faataitaiga.
Fai mai le CNN o loo faatalia se tali a Saina i le mataupu lea ae e le mailoa poo le a tonu le ituaiga missile sa faataitaia.
Ua faailoa e le Minisita o le Va i Fafo a Niu Sila Winston Peters na fana ane e Saina le auupega lea i ogasami o le vasa pasefika i le nuclear free zone na faavaeina i le 1986 i lalo o le Treaty of Rarotonga ma sa saini ai foi ma Saina i lea maliega i le 1987.
Faamanino e Peters i lea lipoti e matuai leai se fia vaai atu o faaaoga mai e Saina le vasa pasefika e fai ai ana faataitaiga.
Puna o Faamatalaga: https://edition.cnn.com/2026/07/06/china/china-tests-submarine-launched-ballistic-missile-intl-hnk-ml
