Ua lafo atu e le ofisa o Lafoga poo le Australian Tax office le ATO imeli i le au faitaavale e 500 afe i le atunuu e faatatau i nisi o talosaga mo tupe faaalu poo deductions e faatatau i mea tau galuega, work related expenses. Ua mafua lea tulaga ona ua taua ile lipoti o le tele o talosaga sa faila i le tausaga na tea nei ua maitauina ai le maualuga o le aofai o le tupe sa faaalu ai.
O le tulaga o loo iai afai ae ausia e ave taavale aiaiga e pei ona faatulaga, e mafai ona o latou claim pe toe talosaga mo le toe totogi ane ole oo atu i le 5 afe kilomita o tupe faaalu i mea tau galuega i le tausaga, faataitaiga o mea e pei o tupe faaalu ile penisini.
O lea la ua lapataʻi ane le ATO o le a o latou mataʻituina lelei talosaga e tuuina atu i le tausaga nei ina ia mautinoa e ausia aiaiga e pei ona faʻatulaga ane ma ia aua nei sili i luga tupe o loo talosaga ai nai lo le tulaga sao e agavaa ai.
Ta’ua e le Komesina Lagolago o le ATO Anita Challen i le lipoti lea e tatau i le au faitaavale ona silafia tulaga uma e faatatau i le malaga mai i le fale i le galuega ma iloa foi mea e mafai ona talosaga ai ma mea e le oo iai le malosi e talosaga ai mo se tupe e toe maua ane.
Puna o Faamatalaga:
