Na taofi mai e leoleo i Sini le faigamalaga a se tasi alii ma ana uo e malaga i atunuu i fafo ina ua pu’eina lea alii o loo feta’ua’ina o ia tonu lea na faatinoina nisi o tusitusiga faatatau ia Isaraelu lea sa faatino i le itu sasae o Sini i se taimi e lei mamao atu ma lipotia atu foi i talafou.
O lea alii e suafa ia Mohommad Farhat 20 tausaga o le a nofo i le sela mo le isi lua vaiaso o lumana’i faato’ā mafai ai ona avanoa e talosaga mo le tatala i tua.
Fai mai ua sauni e aga’i i le vaalele mo le malaga atu i Bali ae pu’e loa e leoleo.
O loo tuua’ia i lona susunuina o taavale ma le faaaogā o le spray vali e tusia ai ni faamatalaga lē manuia faasaga ia Isaraelu i luga o taavale sa iai i le faaitu lea o Sini, fai mai leoleo masalo pe oo i le 70 afe le tau o taavale na faaleagaina.
Ua lē oo la le malaga a le alii lea, ua lē malaga ai foi ma ana uo na faaalu le aso i le faamasinoga e faailoa ai lo latou lagolago ma e 21 moliaga ua saofa’i nei ma ia.
Puna o Faamatalaga: https://www.9news.com.au/national/man-charged-over-anti-israel-car-vandalism-in-sydneys-eastern-suburbs/b57b54fb-7b8d-4360-b791-507e2f68ba0e
