Na faavave atu i le falemai se alii ua lipotia na osofaia e se malie i se matafaga i Niu Sa Uelese.
O lipoti a le 9News ua ta’ua ai na osofaia e le maliu i Port Macquarie ma o le faamatalaga mai le aufaigaluega a le taavale a le falemai ua faailoa ai o lea tagata pe ā ma le 40 tausaga le matua ma na aafia i le faalavelave lea i Lighthouse Beach i le taeao analeila.
O loo iai manu’aga i lona tino ma faavave atu ai i le falemai i Port Macquarie a o nisi o molimau na o latou ta’ua o se kulupu o alii na faasee i le matafaga ae osofai ai e le malie.
Fai mai ua tapunia i le taimi nei le matafaga ma ua faaola nei foi se drone a le Surf Lifesaving NSW e faamautu ai le tele o le malie ma o loo talosia si tagata na aafia ia manuia galuega a fomai o loo feagai ma togafitiga.
