E foliga mai ua iai nisi o taaloga o le a ono le toe vaaia i taaloga a malo ole taupulega poo Commonwealth Games e pei ona faailoa I se lipoti mai le ZB ile aso, lipoti ua taua ai e foliga e nao tuuga aau ma taaloga afeleti o le a tatau pea ona faaauau (compulsory)ae o isi taaloga e 14 e aofia ai ma le netipolo, o loo ise tulaga e ono aveesea ai.
O lenei fuafuaga (plan) e pei ona faailoa I le lipoti ma ua faamaonia mai e se lipoti a le BBC se faamatalaga mai le peresetene o ia taaloga Dame Louise Martin o Skotilani, e faapea o le a faatulaga ai le ata o le polokalameina o taaloga ile lumanai.
O taaloga e pei o le skateboarding o le a unaia e pei ona faia I le Olimipeka talu ai nei ma o le a iai foi le avanoa e fili mai ai e se atunuu e talimalo ni taaloga o loo fiafia iai le toatele. O Birmingham ea e talimalo I taaloga I le tausaga fou ae o loo fetauaina le iai o faanaunauga o atunuu e pei o Ausetalia, Kanata, Initia ma Sri Lanka e talimalo I taaloga o le 2026.
