O loo tumau pea le finagalo o le minisita o tupe e tumau pea i le faaiuga na faia e nonō mai se vaega tele o tupe i le feagai ai ma le koviti. 

Ua lipotia mai e le Newstalk se faamatalaga mai le ofisa o tupe le treasury ua iloa ai e 9.7 piliona se vaega tupe ua itiiti ai le tala faatatau o le tupe ae fai mai Grant Robertson le minisita o tupe, a fua i le tulaga o iai isi atunuu o le lalolagi o lona uiga o loo iai pea le atunuu i se tulaga lelei.

Fai mai a ia o soo se atunuu la sa tau sailia se auala e faafetaui ai le tulai mai o le faamai ua faateia ai le lalolagi, ma a fua i faamaumauga ua faailoa nei, ua iloa ai o loo tulaga lelei pea Niu Sila pe a faatusa i le tele o isi atunuu.