Ua maliu le pepe lona tolu ona o le tale vivini poo le whooping cough.
Ua lipotia e tusa ma le 11 cases faamaonia i le tale vivini i lenei tausaga, ma o fanauiti uma e toatolu ua maliliu o lenei tausaga e i lalo uma o le tasi tausaga le matutua.
E pei ona ta’ua e le Newshub o le pepe muamua ma le lona lua e i le va o le 5 i le 7 vaiaso le matutua ma o pepe Maori uma.
Mai le soifua maloloina e leai se fesootaiga o le pepe lona tolu ua ta’ua mai i le vaiaso nei ma le isi toalua lea na ripotia mai i le aso 9 o Mati.
O le tui o le tale vivini o loo ofo fua mai mo pepe faapea i latou uma e i lalo mai o le 18 tausaga, tina maitaga faapea tagata matutua e i le va o le 45 ma le 65 tausaga.
O le ta’ua mai ai o le pepe lona tolu ua ma’umau le soifua ona o le tale vivini, ua toe valaau mai ai ma le soifua maloloina i tina maitaga uma, o pepe ua 6 vaiaso le matutua faapea o latou matua ia faia tuipuipui e puipuia mai ai mai le tale vivini.
