O le Aso Gafua a sau nei ua fuafua e faatoā suesue ai le talosaga na faaulu e le Komesina o Faigapalota mo se poloaiga e faasino i le vaega o aiaiga o le faavae faasino lea i le taimi e faaaogaina ai le 10 % e atoa ai le numera o nofoa e 6 mo tamaitai i le Palemene.
Ua tuu atu i le amataga o le vaiaso fou lenei mataupu seia oo palota laiti o loo faasolo i le faaiuga o lenei vaiaso. Na maua se avanoa e fesiligia ai Alii Komesina o Faigapalota i le mafuaaga o le talosaga ua i luma nei o foga a le malo.
Taua e Faimalomatumua Mathew Lemisio “O le agaga a ia lea e avatu ai tulaga lena ia iai se maninoga e faatino ai, o le aotelega lena ao lona auiliiliga ou te lafoga o le mataupu lena a le faamasinoga.”
Na ia taua fou “E fua i luga o scenarios e ono tulai mai o le mea lena o loo tuu atu ai i luma o le faamasinoga e aumai ai se faamaninoga atili aua e ese le tatou talanoa i le taimi ua maea ai le palota tele ese foi dynamics o le by-election latou ia lea la e matou te sailia ai poo le a tonu le taatiaga tonu e tatau ona fai ona faatino ai lea o le mea lea ona leai a lea o se gugulu e iai. Tusa lae la ua taatia atu i le faamasinoga le vaega lea”.
E pei ona silafia o le faaiuga o le faamasinoga maualuga i le finauga i le numera tonu o nofoa o tamaitai o le Palemene e faamalieina ai le 10 % na aumai ai ma se finagalo o le faamasinoga e tatau ona faatoa faaaoga le vaega faasino o le 10% pe a maea ona faitauina uma se im tulaga aloaia le palota.
O se faiga e ave faatasi uma ai pe faaiuga aloaia ma le nofoa poo ni nofoa faaaopooo o tamaitai e atoa iai le numera mo le faamaoniga a le Ao o le Mālō ma faalauiloa faatasi ai.
