Ua lapatai mai le Palemia o Niu Sila, Chris Hipkins o le a maua se tonu o le 7 aso e faamalosia ai le faanofoesea i le vaiaso nei.
O lana faatalanoaga i luga o le AM i le taeao analeila na ta’ua ai e le Palemia o le asō lea e faia ai le faaiuga a le Malo pe o le a faataatia ese loa le 7 aso e faamalosia ai le faanofoesea.
O le tele o tulafono ma sā o le koviti na aveesea uma ia Setema o le tausaga talu ai ae sa tuu ai pea lava na o le fitu aso lea e faanofoesea ai pe a test positive i le koviti.
I le tele o atunuu ua leva ona aveesea le tulaga lea i le faamalosia o le faanofoesea mo se aofaiga tele o aso, 7 pei ona agiga.
E manatu le epidemiologist mai le Iunivesite o Otago o Michael Baker e tatau pea i le Kapeneta ona faatumau pea le faanofoesea lea.
Ua silia nei ma le tausaga talu ona valaau pea le pati a le ACT ina ia faamuta ia le faanofoesea mo le fitu aso; fai mai a latou e le manaomia ma e le o aogā lea faiga.
O vaega faaupufai a le National ma le Green o loo fautuaina le faalagolago o le faaiuga i le fautuaga mai le soifua maloloina.
